7th Pay Commission: केंद्रीय कर्मचाऱ्यांचे बल्ले-बल्ले, सरकारने केली DA वाढवण्याची घोषणा

7th Pay Commission DA Hike: केंद्रीय मंत्रिमंडळाच्या बैठकीत केंद्रीय कर्मचाऱ्यांच्या महागाई भत्त्याबाबत मोठा निर्णय घेण्यात आला आहे. सरकारी कर्मचाऱ्यांच्या महागाई भत्त्यात 4 टक्क्यांनी वाढ करण्यास मंत्रिमंडळाने मंजुरी दिली आहे. सध्याचा महागाई भत्ता 34 टक्के आहे, तो आता 4 टक्क्यांनी वाढवून 38 टक्के करण्यात आला आहे. सरकारच्या या निर्णयाचा थेट फायदा विद्यमान 50 लाख केंद्रीय कर्मचारी आणि 62 लाख पेन्शनधारकांना होणार आहे.

दरम्यान, 1 जुलै 2022 पासून सरकारकडून डीएमध्ये वाढ लागू होईल. यापूर्वी मार्च 2022 मध्ये सरकारने जानेवारीपासून डीए (Dearness Allowance) वाढवण्याची घोषणा केली होती. त्यावेळी केंद्रीय कर्मचाऱ्यांचा (Employees) डीए 31 टक्क्यांवरुन 34 टक्के करण्यात आला होता. आता ते 38 टक्क्यांपर्यंत वाढले आहे. त्यानुसार कर्मचाऱ्यांना सप्टेंबर महिन्याच्या पगारात दोन महिन्यांची डीएची थकबाकी मिळणार आहे.

दुसरीकडे, केंद्र सरकार (Central Government) AICPI-IW (All India Consumer Price Index-Industrial Worker) इंडेक्सचा डेटा लाखो कर्मचाऱ्यांच्या महागाई भत्त्यात वाढीचा आधार मानते. पहिल्या सहामाहीतील AICPI-IW डेटाच्या आधारे जुलैचा DA जाहीर करण्यात आला आहे. जूनमध्ये निर्देशांक 129.2 पर्यंत वाढल्याने, डीए 4 टक्क्यांपर्यंत वाढण्याचा मार्ग मोकळा झाला.

मूळ पगार किती वाढेल

1 जुलैपासून महागाई (Inflation) भत्त्यात 4 टक्के वाढ लागू होणार आहे. नवरात्रीच्या शुभ मुहूर्तावर सरकारच्या वतीने भरणा केल्यास कर्मचाऱ्यांना मोठा फायदा होणार आहे. डीए 38 टक्के असल्याने पगारात चांगली वाढ होईल. 4 टक्के DA सह किमान आणि कमाल मूळ वेतन किती वाढेल ते पाहूया?

कमाल मूळ पगाराची गणना

1. कर्मचार्‍यांचे मूळ वेतन रु 56,900

2. नवीन महागाई भत्ता (38%) रुपये 21,622/महिना

3. आतापर्यंत महागाई भत्ता (34%) रु.19,346/महिना

4. महागाई भत्त्यात 21,622-19,346 ने किती वाढ झाली = रु 2260/महिना

5. वार्षिक पगारात वाढ 2260 X12 = रु. 27,120

किमान मूळ पगाराची गणना

1. कर्मचार्‍याचे मूळ वेतन रु. 18,000

2. नवीन महागाई भत्ता (38%) रु.6840/महिना

3. आतापर्यंत महागाई भत्ता (34%) रु.6120/महिना

4. किती महागाई भत्ता वाढला 6840-6120 = रु.1080/महिना

5. वार्षिक पगारात वाढ 720X12 = रु 8640