7th Pay Commission: केंद्र सरकारने DA गणनेत मोठा बदल केला असून, अलीकडेच 2016 वर्षाची वेतन दर निर्देशांक (WRI) ची नवीन यादी प्रसिद्ध केली आहे. केंद्र सरकारने केंद्रीय कर्मचाऱ्यांच्या महागाई भत्त्याच्या (डीए) गणनेत काही बदल केले आहेत. केंद्र सरकारच्या कामगार आणि रोजगार मंत्रालयाने अलीकडेच हे सूत्र बदलले असून, मूळ वर्ष 2016=100 सह मजुरीचा दर निर्देशांक (WRI) ची नवीन मालिका मूळ वर्ष 1963-65=100 सह जुन्या मालिकेची जागा घेईल.
केंद्र सरकारने आधार वर्ष बदलले
इंटरनॅशनल लेबर ऑर्गनायझेशन (ILO) च्या शिफारशींनुसार, राष्ट्रीय सांख्यिकी आयोगाने 1963-65 ते 2016 हे आधारभूत वर्ष बदलून त्याची व्याप्ती वाढवली आणि निर्देशांकाची कार्यक्षमता सुधारली. तसेच चलनवाढीच्या डेटावर आधारित महत्त्वाच्या आर्थिक मेट्रिक्ससाठी सरकार वेळोवेळी आधार वर्ष बदलते.
कशी कराल DA ची गणना?
जानेवारी ते जुलै या कालावधीत वर्षातून दोनदा DA सुधारित केला जातो. महागाई भत्ता (DA) ची गणना सध्याच्या महागाई भत्त्याच्या दराला मूळ वेतनाने गुणाकार करून केली जाते.
महागाई भत्ता (DA) म्हणजे काय?
केंद्र सरकारकडून कर्मचाऱ्यांना त्यांच्या राहणीमानाच्या खर्चात मदत करण्यासाठी महागाई भत्ता (DA) दिला जातो. वाढत्या महागाईमुळे कर्मचाऱ्यांच्या राहणीमानावर परिणाम होऊ नये म्हणून हा पैसा दिला जातो. हा पैसा सरकारी कर्मचारी, सार्वजनिक क्षेत्रातील कर्मचारी आणि पेन्शनधारकांना दिला जातो.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
