18 Months DA Arrears Latest News: केंद्र सरकारच्या कर्मचाऱ्यांसाठी एक आनंदाची बातमी आहे. बर्‍याच काळानंतर, 18 महिन्यांच्या डीए थकबाकीवर एक मोठी अपडेट आली आहे.
मीडिया रिपोर्ट्सनुसार, सरकार लवकरच कर्मचाऱ्यांच्या खात्यात 18 महिन्यांच्या डीए थकबाकीचे पैसे ट्रान्सफर करणार आहे. सरकारने लोकसभेत 18 महिन्यांच्या डीए थकबाकीची माहितीही दिली आहे.
यापूर्वी, सरकारने सांगितले होते की, कोरोना महामारीच्या काळात कर्मचाऱ्यांच्या (Employees) रोखलेल्या महागाई भत्त्यातून सरकारला 34,402.32 कोटी रुपयांचा फायदा झाला होता. 48 लाख कर्मचारी आणि 68 लाखांहून अधिक पेन्शनधारकांना लवकरच डीएची थकबाकी मिळणार आहे.
सरकारच्या (Government) बाजूने आतापर्यंत डीए थकबाकीबाबत एकमत झालेले नाही, परंतु 18 महिन्यांच्या डीए थकबाकीबाबत सरकार लवकरच निर्णय घेण्‍याची शक्यता आहे. सरकारने महागाई भत्त्याच्या तीन हप्त्यांवर बंदी घातली होती. 2021 मध्ये, जून महिन्यात ते पुनर्संचयित केले गेले.
नुकतीच केंद्र सरकारने कर्मचाऱ्यांच्या डीएमध्ये वाढ केली आहे. सरकारने महागाई भत्त्यात 4 टक्क्यांनी वाढ केली असून, त्यानंतर कर्मचाऱ्यांना 42 टक्के दराने डीए मिळत आहे. याशिवाय, जुलै 2023 मध्ये कर्मचाऱ्यांच्या डीएमध्ये पुन्हा वाढ करण्यात येणार आहे.
लेव्हल-13 अधिकाऱ्यांना या महागाई भत्त्यामधून 1,23,100 ते 2,15,900 रुपये मिळू शकतात. आणि लेव्हल-14 (पे-स्केल) साठी, DA थकबाकी रुपये 1,44,200 ते 2,18,200 रुपये असेल.
असे झाल्यास होळीच्या दिवशी 48 लाख केंद्र सरकारचे कर्मचारी आणि 68 लाखांहून अधिक पेन्शनधारकांना फायदा होईल. डीए थकबाकीचे पैसे कर्मचाऱ्यांना त्यांच्या सॅलरीच्या बँडच्या आधारे दिले जातात.
हा त्यांचा हक्क आहे, त्यांचे पैसे रोखू नयेत, अशी मागणी केंद्रीय कर्मचाऱ्यांची सातत्याने करत आहेत. थकबाकी भत्त्याच्या मागणीबाबत कर्मचाऱ्यांनी न्यायालयात दादही मागितली होती.
यावर सर्वोच्च न्यायालयाने सरकारला विचार करण्यास सांगितले होते की, हा कर्मचाऱ्यांचा अधिकार आहे, तो फ्रीज केला जाऊ शकतो, पण थांबवता येणार नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
