Cyber Fraud: मोदी सरकार फूल अ‍ॅक्शन मोड आले आहे. ऑनलाइन फसवणूक रोखण्यासाठी सरकारने नवीन योजना बनवली आहे. ज्या अंतर्गत सरकार येत्या 15 दिवसात जवळपास 18 लाख सिम आणि मोबाईल कनेक्शन बंद करणार आहे. सरकारकडून एवढ्या मोठ्या प्रमाणात मोबाईल आणि सिम कनेक्शन बंद करण्याची ही पहिलीच वेळ असेल. अशा परिस्थितीत, या 18 लाख मोबाइल कनेक्शनमध्ये तुमचा नंबर समाविष्ट आहे की नाही हे जाणून घेणे तुमच्यासाठी खूप महत्वाचे आहे.
दरम्यान, 9 मे रोजी दूरसंचार विभागाने Jio, Airtel आणि Vi सारख्या दूरसंचार कंपन्यांना 28,220 मोबाईल बँड बंद करण्याचे निर्देश दिले होते. याशिवाय, सुमारे 20 लाख मोबाईल कनेक्शनची फेरतपासणी करण्याच्या सूचनाही देण्यात आल्या. मोबाईल हँडसेटच्या माध्यमातून होणारी ऑनलाइन फसवणूक हे त्यामागचे कारण आहे.
मोदी सरकारने देशातून सायबर गुन्हे आणि ऑनलाइन फसवणूकीला आळा घालण्यासाठी सिम कार्डवर बंदी घालण्याचा निर्णय घेतला आहे. या योजनेंतर्गत सरकारी आणि प्रायव्हेट एजन्सीच्या मदतीने ऑनलाइन फसवणूक करणाऱ्यांची ओळख पटवली जाणार आहे. रिपोर्टनुसार, टेलिकॉम कंपन्या मोबाईल कनेक्शन आणि सिम कार्ड पुन्हा सत्यापित करतील, त्यानंतर ते त्यांना ब्लॉक करु शकतात. येत्या 15 दिवसांत बनावट मोबाईल आणि सिम कार्डवर बंदी घालण्याचे काम दूरसंचार कंपन्यांना देण्यात आले आहे.
ईटीच्या रिपोर्टनुसार, देशात मोबाईलच्या माध्यमातून होणारे सायबर गुन्हे वेगाने वाढत आहेत. NCRP च्या मते, 2023 मध्ये डिजिटल आर्थिक फसवणुकीमुळे सुमारे 10,319 कोटी रुपयांचे नुकसान होणार आहे. याप्रकरणी 694,000 तक्रारी दाखल झाल्या आहेत.
रिपोर्टनुसार, वेगवेगळ्या राज्यातील सिमचा वापर फसवणुकीसाठी केला जातो. गेल्या वर्षी सायबर फसवणुकीत गुंतलेली 37 हजार सिम कार्ड ब्लॉक करण्यात आली होती. या कालावधीत सुमारे 17 दशलक्ष मोबाईल (Mobile) कनेक्शन बंद करण्यात आले आहेत. याशिवाय, 1,86,000 हँडसेट ब्लॉक करण्यात आले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.