नैऋत्य बंगालच्या उपसागरात कमी दाबाचे क्षेत्र निर्माण झाले असून, मध्य तामिळनाडू व आसपासच्या परिसरात चक्रीय वाऱ्यांची स्थिती निर्माण झाली आहे. यामुळे ट्रफ तयार झाला असून तो केरळ, तामिळनाडू आणि नैऋत्य बंगालच्या उपसागरातून जात आहे. समुद्रसपाटीपासून ५.८ ते ७.६ किलोमीटर उंचीवर हा ट्रफ पसरलेला आहे.

या हवामान बदलांमुळे पुढील दोन दिवस दक्षिण भारतात पावसाची शक्यता असून, गोव्यातही मध्यम स्वरूपाचा पाऊस पडण्याचा अंदाज गोवा वेधशाळेने व्यक्त केला आहे. राज्यात पावसाची शक्यता लक्षात घेता यलो अलर्ट जारी करण्यात आला आहे.