म्हापसा: मागील पाच वर्षांपेक्षा अधिक काळापासून झरवाडा, वागातोर येथे भेडसावणाऱ्या अनियमित व अपुरा पाणी पुरवठ्यामुळे त्रस्त असलेल्या ग्रामस्थांनी शुक्रवारी (ता.१९) म्हापसा येथील पेयजल खात्याच्या कार्यालयावर धडक दिली. मोर्चेकरांनी अभियंत्यांना निवेदन सादर करून स्थानिकांची होणारी हेळसांड दूर करण्याची मागणी केली.

मोर्चेकरांनी अभियंत्यांच्या निर्दशनास आणून दिले की, झरवाडा येथील अनियमित व अपुऱ्या पाणीपुरवठ्याचे मुख्य कारण हे जलवाहिनीचे गैरव्यवस्थापन आहे. कारण जलवाहिनी कथितपणे व्यावसायिक व्हिला व हॉटेल्सकडे अप्रमाणितपणे वळवल्या आहेत.