राज्यात पावसानं जोरदार थैमान घातलं असून, अनेक भागांमध्ये मुसळधार सरी कोसळत आहेत. गोव्यातील थिवी परिसरात काल रात्रीच्या सुमारास झालेल्या संततधार पावसामुळे एका घरावर मोठं झाड कोसळलं. या घटनेत घरासमोर उभ्या असलेल्या दुचाकीचं मोठं नुकसान झालं आहे.

झाड कोसळण्याच्या वेळी घरात नवरा, बायको आणि त्यांची दोन मुलं उपस्थित होती. परंतु सुदैवानं या अपघातात कुणालाही काहीही इजा झाली नाही. जोरदार आवाज आणि घराच्या अंगणात झाड कोसळल्यानं काही क्षणांसाठी परिसरात घबराटीचं वातावरण निर्माण झालं.