राज्यात यंदाच्या सनबर्न फेस्टिव्हलला गोमंतकीयांकडून कडाडून विरोध होत आहे. सनबर्नचे आयोजन करणाऱ्या आयोजकांनी पहिल्यांदा दक्षिण गोव्यातील जागा सनबर्नसाठी निवडली होती. मात्र दक्षिण गोव्यातील पंचायती, ग्रामपंचायतींनी ठराव मांडून विरोध केला. यातच आता, धारगळमधील ग्रामस्थांनीही सनबर्नला विरोध सुरु केला आहे. गरज पडल्यास सनबर्नला विरोध करण्यासाठी रस्त्यावर उतरु अशी तंबी ग्रामस्थांनी दिली आहे. राज्यातील सर्वच विरोधी पक्षांनी सनबर्नला विरोध केला आहे. सनबर्नही गोव्याची संस्कृती नाही, असं म्हणत गोवा फॉरवर्ड पक्षाचे सर्वेसर्वा आणि आमदार विजय सरदेसाई यांनी यापूर्वी विरोध दर्शवला आहे.