शिवोलीतील बामनवाडा (Bamanwada, Siolim) येथील बस स्टॉप सध्या अत्यंत बिकट अवस्थेत असून, यामुळे स्थानिकांना आणि प्रवाशांना मोठ्या गैरसोयीचा सामना करावा लागत आहे. बस स्टॉपच्या दुरवस्थेकडे प्रशासनाचे दुर्लक्ष होत असल्याचा आरोप स्थानिकांनी केला आहे. मिळालेल्या माहितीनुसार, बामनवाडा येथील बस स्टॉपचे छत पूर्णपणे तुटले आहे. त्यामुळे ऊन असो वा पाऊस, प्रवाशांना, विशेषतः महिला आणि ज्येष्ठ नागरिकांना, उभे राहण्यासाठी कोणतीही योग्य जागा उपलब्ध नाही.