राज्यात गेल्या काही दिवसांपासून मुसळधार पाऊस पडत आहे. अनेक ठिकाणाहून पडझडीच्या घटना समोर येत आहेत. आता मोर्ले, फातोर्डा येथील बंगल्या शेजारील संरक्षक भिंत कोसळल्याने रायेश चेंबर्सच्या चार फ्लॅटचे मोठे नुकसान झाले. मात्र कोणत्याही प्रकारची जीवीतहानी झाली नाही. दरम्यान, तात्काळ आपत्ती व्यवस्थापनाचे लोक घटनास्थळी पोहोचले. सध्या मलबा हटवण्याचे काम युद्धपातळीवर सुरु आहे.