मुख्यमंत्री डॉ. सावंत, भाजपचे अध्यक्ष दामू नाईक, गोवा फॉरवर्डचे विजय सरदेसाई, आमदार गोविंद गावडे, यूरी आलेमाओ आणि अमित पाटकर यांसारख्या सर्वपक्षीय नेत्यांनी माजी मंत्री नाईक यांना आदरांजली वाहिली. सुदिन ढवळीकर यांनी नाईक यांच्या राजकीय परिपक्वतेवर जोर दिला आणि "आमच्यात मतभेद होते, पण मनभेद नव्हते," असे म्हटले. या सर्वपक्षीय नेतृत्वाच्या उपस्थितीत आणि जनसागराच्या साक्षीनं रवी नाईक यांना अखेरचा निरोप देण्यात आला. त्यांचे निधन हे गोव्याच्या राजकारणातील एका धाडसी युगाचा अंत आहे.

रवी नाईक हे केवळ एका विशिष्ट समाजाचे नेते नव्हते, तर संपूर्ण गोव्याचे लोकप्रिय नेते होते. आमदार मायकल लोबो यांनी त्यांच्याबद्दल बोलताना हेच नमूद केले. ते म्हणाले, "रवी नाईक साहेब हे केवळ एकाच समाजाचे लीडर नव्हते, ते गोव्यातील सगळ्या समाजांचे फुडारी (प्रमुख नेता) होते. लोक त्यांना मानत होते आणि तेही लोकांचा आदर करत होते.