गोव्यात जमीन हडप प्रकरणाला ऊत आले आहे. याप्रकरणात अनेक राजकीय नेते, अधिकाऱ्यांचा देखील समावेश असल्याचे उघड झाले आहे. दरम्यान, सावर्डे - सत्तरी येथील सोनाळ गावातून एक सकारात्मक घटना समोर आली आहे.

येथील सरपंच नितेंद्र उर्फ बाळू राणे यांनी गावातील स्मशानभूमीसाठी स्वत:च्या मालकीची जमीन दान केली आहे. गावात स्मशानभूमी नसल्याने नागरिकांची मोठी गैरसोय होत होती, पावसाळ्यात विशेषत: त्रास सहन करावा लागत होता. राणे यांच्या निर्णयामुळे येथे सुसज्ज स्मशानभूमी उभारण्यात आल्याने गावची समस्या दूर झाली आहे.