पणजी: गोवा पोलिस मुख्यालय बॉम्बने उडवून देण्याची धमकी देणारा एक ई - मेल पोलिसांना मिळाला आहे. निनावे आलेल्या या ई-मेलमुळे पोलिस अलर्ट मोडमध्ये आले आहेत. बॉम्ब निकामी करणारे पथक मुख्यालयात दाखल झाला असून, मुख्यालयात तपास घेतला जात आहे.

मिळालेल्या प्राथमिक माहितीनुसार, गोवा पोलिसांना पणजीतील पोलिस मुख्यालय आयईडी बॉम्बने उडवून देण्याची धमकी देण्यात आली आहे. याबाबत धमकीचा ई-मेल पोलिसांना मिळाला आहे. पोलिसांनी ई-मेलचे गांभीर्य लक्षात घेऊन मुख्यालयात बॉम्ब निकामी करणारे पथक दाखल झाले असून, पोलिस यंत्रणा अलर्ट मोडवर ठेवण्यात आली आहे.

दरम्यान, बॉम्बच्या धमकीमुळे पणजी पोलिस मुख्यालयात कडक पोलिस बंदोबस्त तैनात करण्यात आला आहे. पोलिस आणि बॉम्ब निकामी करणारे पथक मुख्यालयात कसून तपास करत असल्याची माहिती मिळतेय.