ओपा प्रकल्पात सुरू असलेले पाण्याच्या वाहिनीच्या दुरुस्तीचे काम आता पूर्ण होण्याच्या मार्गावर आहे. बांधकाम खात्याचे (PWD) अभियंते सकाळी ११ वाजेपर्यंत पंप सुरु करण्याचा प्रयत्न करीत आहेत. शनिवारी सकाळपासून युद्धपातळीवर हे दुरुस्तीचे काम सुरु होते. वाहिनीची दुरुस्ती पूर्ण झाल्यानंतर पंप तातडीने सुरु केला जाईल आणि पणजी तसेच आसपासच्या भागांमध्ये पाणी पुरवठा लवकरच पूर्ववत होण्याची शक्यता आहे.