पणजीमध्ये गुजराती समाजातर्फे नवरात्री उत्सव 2025 मोठ्या उत्साहात आयोजन केले आहे. या उत्सवात मोठ्या संख्येने गुजराती समुदायातील लोकांनी सहभाग घेतला. गरबा आणि दांडियाच्या तालावर तरुणाईसह सर्वच वयोगटांतील लोक थिरकताना दिसले. नवरात्रीच्या नऊ दिवसांच्या काळात पणजी येथील गुजराती समाजाने देवी दुर्गेची पूजा-अर्चा करुन भक्तिमय वातावरणात या उत्सवाचे आयोजन केले.

या उत्सवाचे वैशिष्ट्य म्हणजे, केवळ गुजराती समुदायातीलच नाही तर गोव्यातील इतर समुदायातील लोकही या उत्सवात सामील होतात. यावेळी, पारंपरिक गुजराती वेशभूषेत, महिला, पुरुष आणि लहान मुले यांनी गरबा आणि दांडिया रासमध्ये भाग घेऊन उत्सवाचा आनंद घेतला, ज्यामुळे उपस्थित सर्वांमध्ये एक चैतन्य निर्माण झाले.