दरवर्षी उत्तर गोव्यात होणारा सनबर्न महोत्सव या वर्षी दक्षिण गोव्यात होण्याबाबत सध्या चाचपणी सुरु आहे. सनबर्नच्या आयोजकांनी याबाबत माहिती देखील दिली आहे. याबाबत अधिकृत घोषणा अद्याप बाकी असताना राज्यातील विरोधी पक्षनेत्यांनी याला कडाडून विरोध केला आहे.

अशात कुंभारजुवा मतदारसंघाचे आमदार राजेश फळदेसाई यांनी ओल्ड गोव्यात मिनी सनबर्न आयोजित करण्याचे भाष्य केले आहे. दरम्यान, याबाबत त्यांनी देखील अधिकृतरित्या माहिती दिली नाही. या गोष्टीला अजून वेळ आहे पण शक्य झाल्यास एक छोटेखानी सनबर्न आयोजित केला जाईल, असे फळदेसाई म्हणाले.