Bisons In Goa Mayem

डिचोली: मये परिसरात सध्या गव्यांचा संचार वाढला आहे. दिवसाढवळ्या कळपाने फिरणाऱ्या या गव्यांमुळे लोक भयभीत बनले आहेत. मये गावळान परिसरात तर भरलोकवस्तीजवळ सात गवे कळपाने फिरताना अनेकांच्या नजरेला पडले आहेत. दोन दिवसांपूर्वी ते गावळान परिसरात आले असता कुत्र्यांनी पाठलाग करून त्‍यांना हुसकावून लावले.

सध्या काजू पिकाचे दिवस आहेत. मात्र गव्यांचा संचार असल्याने स्थानिक लोक एकटे-दुकटे काजू बागायतीत जाण्याचे धाडस करत नाहीत. या गव्यांकडून काजू पिकाची हानी होत आहे.