Mapusa Thivim Fire Incident

म्हापसा: कान्सा, थिवी-बार्देश येथील टेकडीला आज मंगळवारी अचानक आग लागली. येथील सुक्या गवताला ही आग लागली ती सायंकाळ उशिरा आटोक्यात आली. या आगीचा धूर दूरवरून दिसत होता. याच टेकडीवर खासगी विद्यापीठाला मान्यता देण्यात आली आहे. त्यामुळे आग लागली की, लावली अशी चर्चा सुरू होती. थिवी येथे विद्यापीठ प्रस्ताव थिवीवासीयांनी यापूर्वीच ग्रामसभेत विरोध केला आहे.

थिवी पठारावरील दोन लाख चौरस मीटर कोमुनिदादच्‍या जागेत होऊ घातलेल्या युनिव्‍हर्सिटीला थिवी ग्रामस्थ, पर्यावरणप्रेमी तसेच सामाजिक संघटनानी विरोध केला होता. कोणत्‍याही परिस्‍थिती प्रकल्‍प मार्गी लावू देणार नाही; प्रसंगी महामोर्चा काढू, असा इशारा देण्‍यात आला होता.