गोव्यातील मंगूर हिल परिसरात एक हृदयद्रावक घटना घडली आहे. आपल्या घराशेजारील मेटल शेडजवळ उघड्या असलेल्या विजेच्या तारेचा धक्का लागल्याने 3 वर्षांच्या निष्पाप बालकाचा मृत्यू झाला. गंभीर अवस्थेत बालकाला चिखली येथील उपजिल्हा रुग्णालयात दाखल करण्यात आले, परंतु डॉक्टरांनी त्याला मृत घोषित केले. याप्रकरणी वास्को पोलिसांनी गुन्हा नोंदवला असून पुढील तपास सुरु आहे.