सांगे : तालुक्यातील साळावली धरणाच्या कालव्यात बुडून एका व्यक्तीचा दुर्दैवी मृत्यू झाला आहे. प्रकाश गावकर असं मृत व्यक्तीचं नाव असून, रविवारी रात्री ते चालत जात असताना पाय घसरून कालव्यात पडले आणि बुडून त्यांचा मृत्यू झाला.

साळावली धरणाच्या कालव्यामध्ये अशाप्रकारे अपघात होण्याची ही पहिलीच वेळ नाही. याआधीही एका व्यक्तीचा या कालव्यात पडून मृत्यू झाल्याची घटना घडली होती. या ठिकाणी कोणत्याही सुरक्षेच्या उपाययोजना नसल्याने स्थानिक ग्रामस्थांनी संताप व्यक्त केला आहे.