पणजी: राजभाषा संचालनालयाच्या राजभाषा प्रशिक्षण योजनेअंतर्गत गोव्यातील सरकारी कर्मचाऱ्यांसाठी नोव्हेंबर महिन्यात कोंकणी प्रशिक्षण आयोजित केले जाणार आहे. सरकारी कर्मचाऱ्यांना कोंकणी भाषेत पत्रव्यवहार कसा करावा हे या प्रशिक्षणातून शिकवलं जाईल. हे प्रशिक्षण चार स्थरांवर घेतले जाईल, यात पणजी, मडगाव व साखळी अशा ठिकाणांचा समावेश आहे. राज्यात सुरु होणाऱ्या या उपक्रमाला सरकारी कर्मचाऱ्यांकडून चांगला प्रतिसाद मिळत आहे. तसेच मराठी भाषेसाठी देखील प्रशिक्षण आयोजित करण्याचा विभागाचा विचार सुरु असून यासंबंधित गोवा मराठी अकादमीची तयारी सुरु आहे अशी माहिती राजभाषा संचालनालयाचे सहाय्यक संचालक अनिल सावंत यांनी दिली.