सासष्टी: कोकण रेल्वे कॉर्पोरेशनने २०२४-२०२५ या वर्षासाठी अजूनपर्यंत ९७३१ तिकीट तपासणी मोहिमांतून १,११,५०० तिकीट नसलेल्या प्रवाशांकडून २३.१० कोटी रुपये वसूल केले. गेल्यावर्षीपेक्षा यंदा १.७ कोटी रुपया जास्त वसुली झाल्याचे कोकण रेल्वेचे क्षेत्रीय व्यवस्थापक बबन घाटगे यांनी पत्रकारांना माहिती दिली.

प्रवाशांना चांगली व आरामदायी सेवा देण्यासाठी कोकण रेल्वे सदैव तत्पर असून त्यातील दर्जा वाढविण्याचे काम नियमित सुरू असते. प्रवाशांना चांगली सुविधा देऊनही काही प्रवासी तिकीट न काढताच प्रवास करतात. त्यासाठी प्रवाशांची नियमित पणे तिकीट तपासणी मोहीम चालूच असते, असे त्यांनी सांगितले.