गोवा वेस्ट मॅनेजमेंट कॉर्पोरेशनला (Goa Waste Management Corporation) भारत सरकारच्या नगरविकास मंत्रालयाने 'नॉलेज पार्टनर' म्हणून मान्यता दिली आहे, अशी माहिती मुख्यमंत्री डॉ. प्रमोद सावंत यांनी दिली. गोव्यामध्ये घनकचरा, जैव-वैद्यकीय कचरा, सांडपाणी आणि रासायनिक कचरा यांसारख्या सर्व प्रकारच्या कचऱ्यावर योग्य व वैज्ञानिक पद्धतीने प्रक्रिया केली जात आहे. कचरा व्यवस्थापनाची ही जबाबदारी यशस्वीपणे पार पाडण्यासाठी सरकार आणि उद्योगजगत यांनी एकत्र येऊन काम करणे आवश्यक आहे, असेही मुख्यमंत्री यावेळी म्हणाले.