गोव्यातील गिरी महामार्गावर आज एका बेजबाबदार चालकामुळे भीषण अपघात झाल्याची घटना समोर आली आहे. महामार्गावरून सुसाट वेगाने जाणाऱ्या एका इन्व्होव्हा कारच्या चालकाने अचानक आपली लेन बदलून चुकीच्या बाजूने प्रवेश केल्यामुळे समोरून येणाऱ्या दोन कारला जोरदार धडक दिली. या विचित्र अपघातात एका 'सेलेरियो' आणि एका 'वॅगन-आर' कारचे प्रचंड नुकसान झाले आहे. सुदैवाने, या अपघातात कोणतीही जीवितहानी झाली नसली तरी सर्व प्रवाशांना किरकोळ दुखापत झाली आहे.