गोव्यात शिवशाही नव्हती तसेच, छत्रपती शिवाजी महाराजांमुळे गोव्यातील धर्मांतरण थांबले नाही, असे वक्तव्य करुन वादात सापडलेल्या लेखक उदय भेंब्रे यांचा अखिल गोमंतक क्षत्रिय मराठा समाजाकडून यांचा निषेध करण्यात आला.

मुख्यमंत्री डॉ. प्रमोद सावंत यांनी शिवजयंतीच्या वेळी केलेल्या भाषणात राज्यात सहा तालुक्यात शिवशाही होती तसेच, शिवरायांमुळे राज्यातील धर्मांतरणाला चाप बसला असे वक्तव्य केले होते. या विधानाला खोडून काढताना मुख्यमंत्री सावंत यांनी सांगितलेला इतिहास खोटा असल्याचा दावा भेंब्रे यांनी केला होता. यावरुन राज्यातील वातावरण चांगलेच तापले आहे. भेंब्रे यांच्या समर्थनात सभा झाल्यानंतर अखिल गोमंतक क्षत्रिय मराठा समाजाकडून भेंब्रे यांच्याविरोधात निषेध सभा घेण्यात आली.