महिलांना रात्रीच्या शिफ्टमध्ये काम करण्याची परवानगी देणाऱ्या सरकारी अधिसूचनेचे स्वागत गोवा प्रदेश महिला काँग्रेसने केले पण यासोबतच सुरक्षिततेच्या उपाययोजनांची मागणी त्यांनी केली आहे.गोव्यात कायदा आणि सुव्यवस्था कोसळली असल्याचे त्यांचे म्हणणे आहे यामुळेच कामाच्या ठिकाणी रात्रीच्यावेळी पेट्रोलिंग करणं गरजेचं आहे, तसेच महिलांसाठी हेल्पलाइन अ‍ॅप, सुरक्षा तपासणी अशा वेगवेगळ्या मागण्या गोवा प्रदेश महिला काँग्रेस प्रतीक्षा खलप यांनी केल्या आहेत. सरकारी शाळा बंद होण्याचं कारण पालक असण्याचं वक्तव्य मुख्यमंत्री डॉक्टर प्रमोद सावंत यांनी केलं होतं यावर प्रतीक्षा खलप यांनी मुख्यमंत्र्यांना टोमणा मारला की, "देवाचे आभार राज्यातील सरकारी शाळा बंद झाल्याबद्दल मुख्यमंत्र्यांनी नेहरूंना दोष दिला नाही". त्यांच्या मते सरकार स्वतः दोष स्वीकारत नाही, आणि सरकारनेच कामातील दोष स्वीकारला पाहिजे.