साखळीत काँग्रेसमधील गटबाजी गेल्या काही दिवसांपूर्वी उघडकीस आली होती. माजी ब्लॉक अध्यक्ष मंगलदास नाईक यांच्याजागी राजेश सावळ यांची गट अध्यक्ष म्हणून निवड करण्यात आली, यानंतर साखळीतील काँग्रेस कार्यकर्त्यांमध्ये विविध चर्चा सुरु झाल्या.

नाईक आणि सावळ यांनी गुरुवारी आयोजित केलेल्या वेगवेगळ्या बैठकीला अंजली निबाळकर हजर राहणार होत्या, पण अंजली यांनी एकच बैठक घेऊन या वादावर पडदा टाकण्याचा प्रयत्न केला. तसेच, काँग्रेसमध्ये लोकशाही चालते आणि प्रसारमाध्यमे म्हणत असल्याप्रमाणे साखळी काँग्रेसमध्ये काहीच बिनसलं नसल्याचे त्यांनी स्पष्ट केलं.