सामाजिक कार्यकर्ते रामा काणकोणकर यांच्या अटकेवरुन गोव्यात राजकीय वादाला तोंड फुटले आहे. रामा यांनी गेल्या काही दिवसांपूर्वी मुख्यमंत्री डॉ. प्रमोद सावंत यांच्यावर वादग्रस्त शब्दात टीका केली होती. याप्रकरणी रामा यांना पणजी पोलिसांनी समन्स बजावला होता. रामा चौकशीसाठी हजर न राहिल्याने शुक्रवारी पोलिसांनी रामा यांना अटक केली. यावरुन विरोधकांनी गोव्यात रान उठवले असून, सरकारवर सडकून टीका करण्यात आली आहे. विरोधकांनी सावंत सरकारवर 'दादागिरी', 'हुकूमशाही' म्हणत हल्लाबोल केला आहे.