आयपीएल 2026 चा हंगाम सध्या शिगेला पोहोचला असतानाच या क्रिकेट महाकुंभाच्या आडून बेकायदेशीर सट्टेबाजी करणाऱ्या टोळ्याही सक्रिय झाल्या आहेत. गोवा पोलिसांनी अशाच एका मोठ्या रॅकेटचा छडा लावत सांगोल्डा परिसरात छापेमारी करुन ऑनलाइन सट्टेबाजी चालवणाऱ्या सहा जणांना रंगेहाथ पकडले. पोलिसांना सांगोल्डा येथील एका घरातून आयपीएल सामन्यांवर ऑनलाइन जुगार खेळला जात असल्याची खात्रीशीर माहिती मिळाली होती. या माहितीच्या आधारे पोलिसांनी पथक तयार करुन संबंधित ठिकाणी धाड टाकली.