पणजी: गोव्यातील कोरोनाच्या रुग्णसंख्येबाबत केंद्रीय आरोग्य-कुटुंब कल्याण मंत्रालय आणि राज्य आरोग्य संचालनालय यांच्‍या विधानात मोठा फरक जाणवत आल्याने नागरिकांमध्ये संभ्रम निर्माण झाला आहे. केंद्र सरकारच्या ताज्या अहवालानुसार, गोव्‍यात सध्या ९ सक्रिय कोरोना रुग्ण आहेत. यामध्ये ६ जून रोजी एक नवीन रुग्ण नोंदवण्यात आला आहे. दरम्‍यान, यासंदर्भात माहिती जाणून घेण्यासाठी गोवा आरोग्य संचालक डॉ. रुपा नाईक यांच्याशी संपर्क साधला असता त्यांनी गोव्यात सध्या एकही कोरोनाचा रुग्ण नसल्याचे स्पष्ट केले.