मसाज पार्लरच्या नावाखाली वेश्या व्यवसाय चालवणाऱ्या कोलव्यातील दोन मसाज पार्लरवर छापे घालून तब्बल ९ युक्तीची सुटका करण्यात आली. या प्रकरणात तीन महिलांना अटक केली. ज्या पार्लरवर छापे घालण्यात आली त्यापैकी एका पार्लरचे नाव 'हॅपिनेस व्हील ग्रो युनिसेक्स सलून' असे असून या पार्लरवर मानव तस्करी विरोधी पथकाने धाड पातली. या ठिकाणाहून पाच युवतीची सुटका करण्यात आली. हा पार्लर चालविणाऱ्या राधिका शर्मा या महिलेला पोलिसांनी अटक केली. या प्रकरणात मडगावच्या मानव तस्करी विरोधी विभागाच्या पोलीस निरीक्षक सुदिक्षा नाईक या तपास करीत आहेत. दुसऱ्या पार्लरचे नाव 'रॉयल स्पा' असे असून ही जागा एका स्थानिकाकडून चालविण्यास घेतली होती अशी माहिती पुढे आली आहे. या पार्लरमधून चार युवतींची सुटका करण्यात आलो असून कोलवा पोलिसांकडून करण्यात आलेल्या कारवाईत दोन महिलांना अटक करण्यात आली. महिला तस्करी विरोधात काम करणाऱ्या अर्ज या संघटनेच्या साहाय्याने ही कारवाई करण्यात आल्याची माहिती प्राप्त झाली आहे.