मुख्यमंत्री डॉ. प्रमोद सावंत यांच्या नेतृत्वाखाली मंगळवारी (28 मे) मंत्रिमंडळाची बैठक पार पडली. या बैठकीत अनेक महत्त्वाचे निर्णय घेण्यात आले. एवढचं नाहीतर तीन महत्त्वाच्या प्रकल्पांना मंजूरीही मंत्रिमंडळाकडून देण्यात आली. या प्रकल्पांसाठी 196 कोटींचा खर्च अपेक्षित असल्याचे मुख्यमंत्री सावंत यांनी सांगितले. पर्वरी आणि फार्मागुडी येथे हे प्रकल्प राबवण्यात येणार आहेत. दरम्यान, या तीनही प्रकल्पांसाठी आदेश जारी करण्यात आला असून लवकरच प्रत्यक्ष कामाला सुरुवात होणार आहे.