बोरी पुलावर मोठ्या प्रमाणावर खड्डे पडले आहेत, या खड्ड्यांमधून लोखंडी सळ्या बाहेर पडल्या आहेत. या सळ्यांमुळे दुचाकी आणि चारचाकी वाहनांचे टायर पंक्चर होण्याची शक्यता वाढली असून, वाहनधारकांना मोठा त्रास सहन करावा लागत आहे. नागरिकांनी आणि वाहनचालकांनी तातडीने उपाययोजनांची मागणी केली आहे.

वाहनधारकांच्या म्हणण्यानुसार, सध्या पुलावरून चालताना विशेषतः रात्रीच्या वेळेस अपघाताचा धोका वाढतो आहे. खड्ड्यांमधील सळ्या स्पष्टपणे न दिसल्यामुळे वाहनांचे टायर पंक्चर होतात, तसेच अनेक वाहनांचे समतोल बिघडून अपघातांची शक्यता निर्माण होते.