अन्न आणि औषध प्रशासन संचालनालय, गोवा यांच्याकडून उत्तर गोव्यातील कलंगुट या भागात अचानक धाड टाकत काजू विक्रेत्यांच्या दुकानांची पाहणी करण्यात आली. अधिकारी रिचर्ड नर्होना यांनी दिलेल्या माहितीनुसार त्यांनी या भागातील पाच-सहा दुकानांची पाहणी करत निकृष्ट दर्जाच्या काजूच्या मालावर कारवाई केली. रिचर्ड नर्होना सांगतात की गेल्यावर्षी देखील अशाच मोहिमेअंतर्गत त्यांनी दहा ते पंधरा तक्रारी नोंदवल्या होत्या. या मोहिमेनंतर बऱ्यापैकी सकारात्मक बदल दिसून आले आणि यावर्षी देखील राज्यात पर्यटनाचा हंगाम सुरु होण्याआधी ही मोहीम पुन्हा राबवायला सुरुवात केली आहे. गोव्यात विकल्या जाणाऱ्या काजूंवर आता GI टॅग लावला जाईल अशी माहिती देखील त्यांनी या दरम्यान दिली. दर आठवड्याला किंवा पंधरा दिवसांनी ही मोहीम राबवली जाणार आहे.