अमली पदार्थ बाळगल्याप्रकरणी फातोर्डा पोलिसांनी बुधवारी रात्री केलेल्‍या एका कारवाईत फातोर्डा येथे राहणाऱ्या धीरज ऊर्फ डेव्‍हीड रॉड्रिग्स (26) या युवकाला अटक केली. त्‍याच्‍याकडून सुमारे 2.37 लाख रुपये किमतीचा अमली पदार्थ जप्‍त केला आहे. बुधवारी रात्री 12.30 वाजता पोलिसांनी या संशयिताला अटक केली. फातोर्डा पोलिसांनी दिलेल्या माहितीनुसार, हा युवक सिटी कॅफेजवळ राहात होता आणि मडगावात तो अमली पदार्थ विक्रीचे काम करत होता. पोलिस मागचे तीन दिवस त्‍याच्‍यावर पाळत ठेवून होते. बुधवारी रात्री त्‍याच्‍यावर ही कारवाई करण्‍यात आली.