फार्मागुडी : सोमवारी सकाळी फार्मागुडी परिसरात दुचाकी आणि कार यांच्यात झालेल्या भीषण अपघातात एक महिला नर्स जखमी झाली. मिळालेल्या माहितीनुसार, ही महिला नर्स आपल्या कामावर जात असताना समोरून येणाऱ्या कारने तिच्या दुचाकीला जोरदार धडक दिली. या धडकेत ती रस्त्यावर फेकली गेली असून तिला तत्काळ जवळच्या रुग्णालयात दाखल करण्यात आले आहे. सध्या तिच्यावर उपचार सुरू आहेत. घटनास्थळी पोलिसांनी तत्काळ धाव घेत पंचनामा केला आहे.