डिचोलीत गेल्या काही दिवसांपासून मुसळधार पाऊस पडत आहे. शहरात अनेक ठिकाणाहून पडझडीच्या घटना समोर आल्या आहेत. लोकांच्या घरामध्ये पावसाचे पाणी शिरले आहे. तर रस्त्यातून वाट काढताना लोकांना मोठी कसरत करावी लागत आहे. यातच, डिचोली पालिका क्षेत्रातील लाखेरे येथे वादळीवाऱ्याचा मोठा तडाखा बसला. एकाच वेळी विजेचे आठ खांब मोडले. वीजवाहिन्या तुटल्या. यामुळे लाखेरे परिसर अंधारमय वातावरण झाले. मात्र या घटनेत सुदैवाने अनुचित घटना टळली.