कुचेली येथील वाढत्या कचरा समस्येमुळे स्थानिक नागरिक आणि ग्रामस्थ मोठ्या प्रमाणात संतप्त झाले आहेत. कुचेलीमधील प्रसिद्ध वादेश्वर मंदिराच्या अगदी जवळच काही अज्ञात व्यक्तींकडून कचरा आणून टाकला जात असल्याने या प्रकारावर तीव्र आक्षेप घेतला जात आहे. मागील काही दिवसांपासून वादेश्वर मंदिराच्या परिसरात मोठ्या प्रमाणावर कचरा डंप केला जात आहे, ज्यामुळे परिसराचे सौंदर्य तर बिघडलेच आहे, शिवाय दुर्गंधी आणि आरोग्याच्या समस्याही वाढल्या आहेत. हा कचरा विशेषतः मंदिर परिसराजवळ टाकल्यामुळे स्थानिकांच्या धार्मिक भावना दुखावल्या गेल्या आहेत.