वाळपई: सत्तरीत बीएसएनएलच्या ऑप्टिकल फायबर केबलचे मोठ्या प्रमाणावर नुकसान झाले असून, त्यामुळे संपूर्ण तालुक्यात ‘बीएसएनएल’ची सेवा ठप्प झाली आहे. ही परिस्थिती वीज खात्याच्या कंत्राटदाराने भूमिगत वीजवाहिनी टाकताना केलेल्या हलगर्जीपणामुळे उद्भवली आहे.

संपूर्ण प्रकाराबाबत ‘बीएसएनएल’ खात्याने आधीच तीनवेळा वाळपई पोलिस स्थानकात तसेच संबंधी खात्याला याबाबत तक्रारी दिल्या असून, आज शनिवारी पुन्हा एकदा वाळपई पोलिस स्थानकात तक्रार दाखल करण्यात आली आहे. मात्र, अद्याप संबंधित कंत्राटदाराविरोधात कोणतीही ठोस कारवाई करण्यात आलेली नाही.