भाजपचे राष्ट्रीय अध्यक्ष नितीन नवीन पदभार स्वीकारल्यानंतर प्रथमच गोव्याचा दौरा करत आहेत. त्‍यामुळे या दौऱ्याकडे संपूर्ण राजकीय वर्तुळाचे लक्ष लागले आहे. ते सकाळी मोपा विमानतळावर पोचले. मुख्यमंत्री प्रमोद सावंतांनी त्यांचे स्वागत केले. विधानसभा निवडणुकीला अवघे एक वर्ष शिल्लक असताना होत असलेला हा दौरा भाजपच्या दृष्टीने अत्यंत महत्त्वाचा मानला जात आहे. येत्या वर्षभरात राज्याच्या राजकारणात घडणाऱ्या घडामोडींच्या पार्श्वभूमीवर ‘रणनीती ठरविणारा दौरा’ म्हणून त्‍याकडे पाहिले जात आहे.