भू- बळकाव प्रकरणातील मास्टरमाईंड सुलेमान खान गुन्हे शाखेच्या कोठडीतून फरार झाल्यानंतर त्याने एक व्हिडिओ प्रसिद्ध केला होता. यात त्याने गोवा पोलिसांवर आणि म्हापशाचे आमदार डिसोझा यांच्यावर गंभीर आरोप केले होते. दरम्यान, त्याला अटक केल्यानंतर दुसऱ्या व्हिडिओत त्याने त्याचे विधान बदलले. दुसरा व्हिडिओ हा पोलिसांनी गनपाईंटवर करुन घेतल्याचा आरोप सुलेमानने केला आहे. याबाबत चौकशी का केली जात नाही? असा सवाल आप नेते अमित पालेकरांनी केला आहे. पालेकरांना चौकशीसाठी समन्स बजावला असता ते माध्यमांशी बोलत होते.