मडगाव: सध्या गोव्यात ठिकठिकाणी बेकायदेशीर अतिक्रमणांना हटवण्याचं काम सुरु आहे. दक्षिण गोव्यातील रुमडामळ, दवर्ली पंचायत बेकायदेशीर अतिक्रमणांना पाठिंबा देत असल्याचा आरोप पंच विनायक वळवईकर यांनी केला होता मात्र उच्च न्यायालयाच्या आदेशांचे पालन केले जाईल अशी माहिती सरपंच सबिना यांचे पती सासिउल्ला फणिबंद यांनी दिली आहे.

२० डिसेंबर रोजी रुमडामळ पंचायतीतील बेकायदेशीर अतिक्रमणंना नोटीस पाठवत उच्च न्यायालयाने परवाने सादर करण्याचा आणि असं न केल्यास येत्या सात दिवसांमध्ये बांधकामं पाडण्याचा आदेश दिला होता. या आदेशानंतर आता बराच काळ उलटून गेला आहे तरीही म्हणावी ती करावी झालेली नसल्याचा आरोप पंच विनायक वळवईकर यांनी केलाय.

काही कारणांमुळे अजून सगळी बांधकामं हटवली गेलेली नाही, मात्र त्यांना नोटीस पाठवण्यात आलीये. यांपैकी काही बांधकामं हटवली गेली असून बाकी बांधकामं सुद्धा हटवली जातील अशी माहिती पंच सासिउल्ला फणिबंद यांनी दिली. मात्र पंचायत फक्त दाखवण्यापुरती कारवाई करत आहे, मुळात असं काहीही होणार नाही असा थेट आरोप पंच विनायक वळवईकर यांनी केलाय.