डिचोलीमधल्या व्हाळशी-वाठादेव येथील फोरलेन बायपास रस्त्यावरची एक लेन अजूनही वाहतुकीसाठी बंद ठेवण्यात आलीये. मिळालेल्या माहितीनुसार संबंधित कंत्राटदाराने या कामाकडे लक्ष देणं बंद केलंय. डिचोलीतील याच फोरलेन रस्त्यावर गेल्या साडेतीन महिन्यांपासून माती कोसळून रस्त्यावर आलीये. गेल्यावर्षी ६ जून रोजी या नवीन रस्त्याचं लोकार्पण झालं होतं. डिचोलीचे आमदार डॉ. चंद्रकांत शेट्ये यांनी बायपास रोडवर झालेल्या भूस्खलनाची पाहणी केली होती आणि त्वरित हा रास्ता खुला करण्याचे आदेश दिले होते. आदेशानुसार इथे काम सुरु देखील झालं होतं मात्र कंत्रादाराने काम अर्धवट सोडल्याने हे काम पुन्हा राखडलंय आणि सुरक्षेच्या दृष्टीने एक लेन बंद ठेवण्यात आलीये.