हैदराबाद बिट्स पिलानी कॅम्पसमधून गोवा कॅम्पसमध्ये आलेला ऋषी नायर हा २० वर्षीय विद्यार्थी त्याच्या खोलीमध्ये मृतावस्थेत सापडल्याने पुन्हा खळबळ उडाली. गेल्या नऊ महिन्यांत बिट्स पिलानी गोवा कॅम्पसमध्ये पाच विद्यार्थ्यांचा मृत्यू झाल्याने शिक्षक, पालक आणि नागरिकही धास्तावले आहेत. तेथे ऋषीचे एका युवतीशी प्रेमसंबंध होते. त्या युवतीने काही कारणास्तव जून महिन्यामध्ये आत्महत्या केली होती. त्याचा ऋषीवर मोठा परिणाम होऊन तो तणावाखाली होता, अशी माहिती समोर आली आहे.