विवेक अग्निहोत्रीचा 'द काश्मीर फाइल्स' (The Kashmir Files) रिलीज होऊन अनेक आठवडे झाले आहेत. या चित्रपटाने बॉक्स ऑफिवर 240 कोटींहून अधिक कमाई केली आहे. दरम्यान, अभिनेत्री ट्विंकल खन्नाने या चित्रपटाशी संबंधित पोस्ट केल्यामुळे लोकांनी ट्रोल केले आहे. याआधीही तिने एका लेखात 'द काश्मीर फाइल्सची खिल्ली' उडवली होती. या चित्रपटाबद्दल अनेकांनी आक्षेपार्ह टिपणी केळी आहे.

* सोशल मिडियावर ट्विंकलला ट्रोल केले जात आहे

ट्विंकल खन्नाने (Twinkle Khanna) एक वृतासाठी लिहिलेल्या लेखात काश्मीर फाइल्सची खिल्ली उडवली आहे. तिने या लेखात लिहिले आहे, तिला नेल फाइल्स नावाचा चित्रपट (Movie) बनवायचा आहे. या लेखानंतर ट्विंकल अनेकांच्या निशाण्यावर आली आहे. लोक अक्षय कुमारचे नाव घेऊन ट्विंकल खन्नावर सोशल मिडियावर (Social Media) प्रचंड टीका करत आहेत. त्याचबरोबर अशोक पंडित यांनीही तीच्या लेखाला समर्पक उत्तर देण्याचा प्रयत्न केला आहे.

काही दिवसांपूर्वीच अक्षयने या चित्रपटाबद्दल एक ट्विट केले होते. त्यात त्याने अनुपम खेर यांचे अभिनंदन केले होते. अक्षय कुमारने चित्रपट प्रदर्शित झाल्यानंतर काही दिवसांनी 'द काश्मीर फाइल्स'वर आपली प्रतिक्रिया दिली. यामुळे अनेकांनी त्याला ट्रोल केले. कारण अक्षय कुमार त्याच्या नवीन चित्रपटांच्या प्रमोशनसाठी काश्मीर फाइल्सचा वापर करत आहे असे त्यांचे म्हणणे होते.