Transwomen Saisha Shinde: बॉलीवूडच्या ग्लॅमरस दुनियेत अनेक घडामोडी घडत असतात. यामध्ये कलाकार अनेकदा त्यांच्या आयुष्याशी निगडीत धक्कादायक खुलसे करत असतात. काही दिवसांपूर्वीच सुरू झालेला अभिनेत्री कंगना रणौतचा (Kangana Ranauat) ‘लॉक अप’ (Lock Upp) शो सध्या चांगलाच गाजला आहे. या शोमधील सदस्य लॉकअपमध्ये त्यांच्या आयुष्यातील भूतकाळ तसेच चांगले किंवा वाईट अनुभव एकमेकांसोबत शेअर करताना दिसतायत. शोमध्ये असलेल्या सदस्य त्यांच्या भूतकाळातील अनेक किस्से प्रेक्षकांसमोर उघडपणे सांगत आहेत.

यामध्ये आपले लिंग बदलून ट्रान्सवूमन झालेल्या सायशा शिंदेनेही स्वत:बद्दल काही गोष्टी सांगितल्या आहेत. (Transwomen Saisha Shinde reveals that she was molested by family member)

ती म्हणाली, 'मी ज्यावेळी 10 वर्षांची होते, त्यावेळी माझ्याच कुटुंबातील एका सदस्याने माझा विनयभंग केला होता. ती व्यक्ती माझ्या जवळच्या नातेवाईकांपैकी एक होती. ती व्यक्ती माझ्याहून काही वर्षांनीच मोठी होती. प्रश्न हा होता की ते काही वर्षांनी माझ्याहून मोठे आहेत, तर तो विनयभंग होता का? पण जेव्हा काही वर्षांनी मी मोठी झाले आणि मला जाणवले की तो विनयभंग होता.'

सायशाच्या या खुलाश्याने सगळ्यांना धक्का बसला. हे ऐकून तर कंगनाही आश्चर्यचकित झाली.