Actress Gaytri Joshi Accident News : मनोरंजन विश्वातून नुकतीच एक धक्कादायक बातमी समोर आली आहे. शाहरुख खानच्य गाजलेल्या स्वदेस चित्रपटात शिक्षिकेच्या भूमीकेत दिसलेल्या अभिनेत्री गायत्री जोशीचा एका मोठा कार अपघात झाला आहे. 

'स्वदेस' चित्रपटातून बॉलिवूडमध्ये पदार्पण करणाऱ्या गायत्री जोशीच्या कार अपघाताचा लाइव्ह व्हिडिओही समोर आला आहे, ज्यामध्ये मिनी ट्रक कोसळलेला दिसत आहे. मिळालेल्या माहितीनुसार या भीषण अपघातात एका जोडप्याला आपला जीव गमवावा लागला आहे.

गायत्रीसोबत पतीही

नवभारत टाईम्सच्या वृत्तानुसार बॉलिवूड अभिनेत्री गायत्री जोशीच्या कारला इटलीमध्ये अपघात झाला. गायत्री पती विकास ओबेरॉयसोबत लॅम्बोर्गिनी कारमधून प्रवास करत होती. रिपोर्ट्सनुसार, हा हृदयद्रावक अपघात इटलीच्या सार्डिनिया भागात घडला, ज्याचा व्हिडिओ सोशल मीडियावरही पाहायला मिळाला आहे.

अपघाताचा व्हिडीओ

ही घटना घडली तेव्हा मागून येणाऱ्या कारमधून व्हिडिओ शूट करण्यात येत होता. या व्हिडिओमध्ये समोरून जाणाऱ्या मिनी ट्रकच्या मागे एकामागून एक आलिशान कार वेगाने जाताना दिसत आहे. 

गायत्रीही तिच्या पतीसोबत लॅम्बोर्गिनीमध्ये जात होती आणि त्यांच्या मागे काही आलिशान गाड्या एकमेकांमागुन एक जाताना दिसतायत.

अपघातात जोडप्याचा मृत्यू

अचानक, ओव्हरटेक करताना, गायत्रीची लॅम्बोर्गिनी कार फेरारीला धडकते आणि फेरारी ट्रकला धडकल्यामुळे ट्रक रस्त्यावर पलटी झाला. यानंतर फेरारी कारलाही आग लागली, त्यामुळे त्या कारमध्ये बसलेल्या स्विस जोडप्याचा जागीच मृत्यू झाला.