पणजी: आसपासचे लोक जेव्हा आपल्याला सोडून दूर जातात तेव्हा केवळ आपल्यालाच नव्हे, तर आणि निसर्ग आणि डोंगरदऱ्यांनाही जो एकटेपणा वाटतो, त्यालाच ‘सुनपट’ (Sunpat) असे म्हणतात. उत्सव किंवा जत्रा संपल्यावर रिकाम्या मैदानाकडे (Ground) पाहून जी पोकळी जाणवते, ती म्हणजेच ‘सुनपट’.

उत्तराखंडातील (Uttarakhand) गावागावांतून माणसं जेव्हा नोकरीच्या (Job) शोधात शहरांमध्ये स्थलांतरीत झाली , तेव्हा त्या गावांत हाच एकटेपणा आणि पोकळी जाणवू लागली, याचेच चित्रण दिग्दर्शक राहुल रावत (Director Rahul Rawat) यांनी आपल्या गढवाली चित्रपट ‘सुनपट’ (Sunpat) मध्ये केले आहे.

उत्तराखंडातील गावांमध्ये पुरेशा रोजगाराच्या संधी नसल्यामुळे गेल्या अनेक वर्षांपासून माणसे गावे सोडून शहरांकडे धावत आहेत. याच्या मागे अनेक सामाजिक, आर्थिक कारणे असतात. मोठ्या प्रमाणावर झालेल्या अशा स्थलांतरामुळे तिथली सुमारे 1500 गावे ओसाड पडली आहेत, तर चार हजार गावांमधून हाताच्या बोटांवर मोजता येण्याएवढीच माणसे शिल्लक उरली आहेत. यामुळे तिथली संस्कृती (Culture) , परंपरा (Tradition) आणि समाज आता नामशेष होण्याच्या मार्गावर आहे. माझ्या राज्यात स्थलांतरामुळे काय अनर्थ होत आहे, हे या गोष्टीच्या माध्यमातून मला सर्वांना सांगायचे होते.” असे रावत म्हणाले.