अभिनेत्री जॅकलीन फर्नांडिस (Jacqueline Fernandez) मनी लाँड्रिंग प्रकरणात ठग सुकेश चंद्रशेखरसोबतच्या (Sukesh Chandrasekhar) तिच्या नात्यामुळे प्रसिद्धीच्या झोतात आली होती. अभिनेत्रीचे सुकेशसोबतचे अनेक फोटो व्हायरल झाले आहेत. त्यानंतर अभिनेत्रीने एक पोस्ट शेअर केली आणि त्यांचे खाजगी फोटो व्हायरल करू नका असे आवाहन केले होते. त्याचवेळी सुकेश चंद्रशेखरने हाताने लिहिलेली एक नोट जारी केली आहे. त्याच्या नोटमध्ये तो जॅकलिनचा बचाव करताना दिसून आला आहे.

सोशल मीडियावर व्हायरल होत असलेल्या सुकेश चंद्रशेखरने हाताने लिहिलेल्या चिठ्ठीत लिहिले होते की, 'माझे वैयक्तिक फोटो प्रसारित होताना पाहून मला खूप वाईट खुप वाटले आहे. बातमीच्या माध्यमातून मला याची माहिती मिळाली. हे आमच्या वैयक्तिक अधिकारांचे उल्लंघन आहे. जॅकलीन आणि मी रिलेशनशिपमध्ये असल्याचे मी याआधी सांगितले आहे आणि आम्ही एकमेकांना डेट करत होतो. आमचे नाते पैशावर आधारित नव्हते, जसे बोलले जात आहे. आमच्या नात्यात खूप प्रेम आणि आदर होता. आम्हाला एकमेकांकडून काही अपेक्षा नव्हत्या.

विशेष म्हणजे सुकेश चंद्रशेखरने जॅकलीन फर्नांडिसला (Sukesh Chandrasekhar and Jacqueline Fernandez) 56 लाखांचा घोडा, 36 लाखांच्या चार मांजरी आणि अनेक महागड्या भेटवस्तू दिल्या होत्या, ज्यांची ईडी जप्तीची प्रक्रिया करत आहे. सुकेशच्या बाबतीत जॅकलीनलाही परदेशात जाण्यास बंदी घालण्यात आली आहे.