बॉलिवूडमधील प्रसिद्ध अभिनेत्री आलिया भट्टचा (Alia bhatt) 'गंगूबाई काठियावाडी' (Gangubai Kathiawadi) या चित्रपटासाठी चाहते बरीच प्रतीक्षा करत होते. चित्रपटाचा टीझरही काही काळापूर्वी चाहत्यांसमोर सादर करण्यात आला आहे. आता संजय लीला भन्साळी (Sanjay Leela Bhansali) दिग्दर्शित या चित्रपटाचे शूटिंग संपले आहे. शूटिंग संपल्यानंतर आलिया भट्टने चाहत्यांसाठी एक खास पोस्ट शेअर केली आहे.आलिया भट्टच्या या चित्रपटाचे चित्रीकरण मुंबई फिल्म सिटी,(Mumbai film city Goregaon) गोरेगाव येथे झाले आहे. यापूर्वीच या चित्रपटाचे शूटिंग संपले असते, परंतु कोरोना विषाणूमुळे (covid-19) याला उशीर झाले. आता आलियाने काही फोटोंसह एक खास पोस्ट शेअर केली आहे, जी चाहत्यांमध्ये लोकप्रिय झाली आहे.(Shooting of gangubai kathiawadi is completed alia bhatt shared a photos and writing emotional post)

आलियाने काही फोटो शेअर केले आहेत, ज्यात ती संजय लीला भन्साळी तसेच चित्रपटाच्या संपूर्ण टीमसोबत दिसली आहे. आलियाने असे लिहिले आहे की "आम्ही 8 डिसेंबर 2019 रोजी गंगूबाईची शूटिंग सुरु केली होती .. आणि आता 2 वर्षानंतर चित्रपटाचे शूटिंग संपले आहे. हा चित्रपट आणि सेट 2 लॉकडाउन (lockdown) आणि 2 वादळातून गेला आहे .. मेकिंग दरम्यान चित्रपटाचे दिग्दर्शक आणि अभिनेता यांना कोरोना झाला होता. सेटने ज्या त्रासांचा सामना केला आहे तो स्वतः एक चित्रपट आहे.या अभिनेत्रीने पुढे असे लिहिले आहे परंतु या सर्वांच्या दरम्यान बरेच काही घडले. हा आयुष्य बदलणारा अनुभव आहे. संजय सरांनी दिग्दर्शित करणे हे माझ्या संपूर्ण आयुष्याचे स्वप्न होते. आज मी या सेटवरून एक वेगळी व्यक्ती म्हणून निघत आहे. आई लव यू सर धन्यवाद… तुमच्यासारखा खरोखर कोणी नाही."

यासोबतच आलियाने पुढे असेही लिहिले आहे की जेव्हा एखादा चित्रपट संपतो तेव्हा त्यातील एक भाग संपतो, म्हणून आज मी माझा एक भागही गमावला आहे.गंगू आय लव यू! तुझी आठवण येईल. या दोन वर्षांसाठी माझे कुटुंब आणि मित्र बनले… आपल्याशिवाय काहीही शक्य झाले नसते! माझं तुमच्यावर प्रेम आहे मित्रानो.या एका पोस्टमध्ये आलियाने आपला दोन वर्षांचा संपूर्ण अनुभव चाहत्यांसमोर मांडला आहे. अशा परिस्थितीत भावनांनी परिपूर्ण असणारी आलिया भट्टची ही पोस्ट सोशल मीडियावर अधिकच लोकप्रिय झाली आहे. आलियाच्या या पोस्टवर चाहत्यांकडून जोरदार पसंती व कमेंट केले जात आहेत.